KPGJT - Kolegji Profesional Gjerman i Lartë i Teknologjisë është një institucion i rëndësishëm arsimor në fushën e teknologjisë në Shqipëri. KPGJT u themelua nga Kastrati Group me një qëllim të veçantë: të plotësojë nevojën e tregut për staf të kualifikuar gati për të punuar dhe të punësojë menjëherë studentët më të mirë në kompanitë e grupit.

Ky institucion arsimor në Shqipëri, operon sipas Sistemit Dual të arsimit, duke kombinuar praktikën me teorinë. Ky sistem i arsimit u siguron studentëve një eksperiencë të vërtetë në fushën e tyre të studimit dhe i përgatit ata për tregun e punës duke fituar njohuri teorike dhe aftësi praktike.

KPGJT siguron kurrikulat e fundit austriake dhe gjermane, me trajnues shqiptarë dhe të huaj. Studentët më të mirë që tregojnë aftësi dhe performancë të shkëlqyer gjatë studimeve të tyre, do të kenë mundësinë e punësimit menjëherë pranë subjekteve të Kastrati Group dhe jo vetëm.

Studentët e KPGJT kanë mundësinë e jashtëzakonshme të aplikojnë pajisjet dhe metodat më të fundit në teknologjinë e automjeteve, informacionit dhe ndërtimit. Kjo mundësi praktike ofrohet përmes Laboratorëve në Kolegj si edhe bashkëpunimit të ngushtë me Mercedes Benz Albania, dhe të tjerë automekanike, duke i lejuar studentët të mësojnë në mjediset e vërteta të punës dhe të përgatiten për sfidat e tregut të punës në këtë industri

Sistemi inovativ i mësimdhënies në KPGJT përfshin përdorimin e platformës Elektude. Përmes këtij sistemi, studentët mund të ndjekin leksionet duke përdorur kompjuterin apo celularin e tyre dhe kanë mundësinë për t’iu përgjigjur pyetjeve që ofron platforma. Kjo teknologji moderne përmirëson mësimdhënien dhe siguron qasje të lehtë dhe interaktive në materiale të ndryshme mësimore.

KPGJT pjesë e Kastrati Group, garancia për tregun e punës!