Programi përgatit specialistë:
- në zbatimin e metodologjive në fushën e projektimit, zbatimit dhe mirëmbajtjes të sistemeve HVAC
Programi fokusohet në:
- sistemet e ftohjes
- qarqet elektrike në HVAC
- sistemet e kondicionimit, sistemet e ajrit të kondicionuar
- aplikimet kompjuterike dhe laboratorike
Studenti pajiset me:
- aftësinë për perzgjedhjen, instalimin dhe mirëmbajtjen e sistemeve mjedisore për sektorin e banesave, qendrave multifunksionale dhe ato komerciale
- njohuri të thella tekniko-shkencore të nivelit të lartë, që kërkohen nga fusha të ndryshme të impianteve për ngrohje, ftohje dhe ajër të kondicionuar
- aftësi të qëndrueshme dhe njohuritë e nevojshme për projektimin, operimin dhe mirëmbajtjen e sistemeve mjedisore të ngrohjes, ventilimit, ajrit të kondicionuar dhe ftohjes (HVAC/R)
- aftësi për të ndihmuar teknologët në projektimin e sistemeve të ndërtesave, duke llogaritur ngarkesen e ngrohjes dhe rrjetin, kanalet e shpërndarjes së ajrit dhe pajisjet. Ata gjithashtu mund të hartojnë planimetritë dhe të bëjnë vizatimet e nevojshme me ndihmën e kompjuterit dhe software-ve respektive
- aftësi praktike, duke punuar në kaldajat, kondicionerët, pajisjet ftohëse dhe pajisje të tjera në laboratore
- njohuritë e nevojshme mbi instalimet elektrike dhe qarqet e kontrollit per instalimet e realizuara
- aftësi për të zhvilluar procedurat e vënies në punë, e montimit, riparimit dhe shërbimet e ndryshme të sistemeve HVAC
Punësimi:
- në fushat që lidhen me projektimin, ndërtimin, shërbimin, riparimin, testimin e sistemeve HVAC dhe si menaxher tregtar dhe konsulent shitjesh të pajisjeve të ngrohje, ftohje, kondicionimit
- në zyrat e projektimit të këtyre sistemeve
- në sektorët e ndërtimit të banesave dhe ambienteve tregtare
- në departamentet e menaxhimit të pajisjeve HVAC
- në fushën e automjeteve të lehta dhe të rënda
- në industrinë ushqimore
- në laboratorët shkencorë, në mësimdhënie
- si profesionist i lirë në fushën e tregtisë dhe mirëmbajtjes të pajisjeve HVAC
